يمكن تحس لحظة بألم و يمكن تحس لحظة بندم بس أوعى تسيب الأوهام تهدمك و لا الأحزان تقتلك ...عمر الألم ما هينتهى و عمر الندم ما هيختفى طول ما انت عايش فيه و مش قادر إنك تنهيه...يمكن يكون غصب عنك و يمكن يكون من كتر اللى انت حاسس بيه بس مفيش من ده كله فايدة غير الألم اللى بتجنيه ... سيب نفسك للأيام تبعد عنك الاحزان ساعدها انها تلهيك عن ألمك اللى ساكن فيك عمر ما كان الإستسلام حل و لا إنك تهرب من الأزمات فن... قاوم نفسك و متسيبهاش تطمس جواك الإحساس و الأمل فى بكرة يكون فيه الفرح أساس تبنى عليه اللى جى و تنسى بيه اللى فات و تخلص معاه التآوهات ...صفى قلبك و يلا بينا نقوم على الحزن بالعزيمة اللى فينا و متنساش ابدا إن رب العرش معاك منين ما تروح وياك اطلب قوته هيعينك هيشد أزرك و يديلك ...عارفة ان ممكن يكون صعب على و عليك بس لازم نحاول و ما نتهزمش طالما جاى بكرة يبقى أكيد فى يوم الحزن هيبقى ذكرى ..اصبر على ألمك و حارب فيه و على قد ما تقدر اتعلم منه قبل ما تنتصر عليه اكيد فى يوم الليل هيخلص و هتمحيه الشمس هتشرق فيه شمس العزيمة و الأمل شمس الإرادة و الجلد...
"أقوى دايما على اللى فيك و متخليش الأحزان تقتل فيك"..
هناك ٣ تعليقات:
ربنا يكرمك و يبارك لك على الدرر دى، ما شاء الله، أسلوبك سلس و ملىء بالمعانى الجميلة، و فيه سجع محبب للأذن و موصل للمعنى
فعلا كلامك سليم ، و الألم هو اللى بيعلمنا إننا نكون أقوى و أفضل
تحياتى لك، ربنا يوفقك دائما
السلام عليكم
اري فنانة ترسل لنا رسالة بها تعبر عن احوال كل قلب وعقل تايه وكل نفس وفكرة ضيعة
اري فنانة تسير بدرب صلاح جاهين في رسالتها يمكن تسمع اشعار او نثر او حتي اغاني موتلحنة
دمتي ودامت رسائلك
ياريت ترسلي لنا الجديد في انتظارك
تحياتي
ممكن تزيلي تاكيد الكلمة عن طريق الاعدادات ثم التعليقات
وياريت لو تخصصي صفحة كاملة للتعليقات هيكون الموضوع اسهل بكتير علينا معلشي هنتعبك
ثانيا ياريت تدخلي مدونات كتيرة عشان تنشري مدونتك عبر المدونات وتعرفي الناس عليها
بجد المدونة جميلة وتستاهل الناس تعرفها بس حاولي تسعديهم
دمتي بحب وود
إرسال تعليق