الــــــــوحــــــــــــــــــدة

كتير ممكن تحس إنك وحيد بالرغم أنك محيط بجمع غـفير بس واضح ان الوحدة ملهاش علاقة بالناس لكن اساسها هو الإحساس اللى يخليك دايما غريب وسط الناس.. يمكن تكوت غربتك لإنك مش عارف تتأقلم مع صحبتك و دى حاجة ملهاش دعوة بحضرتك.. يمكن لأنك احيانا بتجبر على الوجود فى مجتمع يحيدعنك كل الحيود فى التفكير و التدبير و كتير كمان فى السكوت" زى مجتمع العمل" يمكن تكون ساكت بتسبح و تحمد رب الملكوت و غيرك ساكت بيفكر فى فلان عمل و فلان سوى و فلان هيسرح بكتكوت.. و لو اتكلمت و حاولت تندمج تشعر بغربة اكبر تخليك عايز تنفجر احيانا تتقبلها و تمشى أمورك و احيانا تتخنق و ما تريحكش غير دموعك ...دموع مش عارفة تعمل ايه حيرانه و ويلها ويلين مش عارفة تعمل الغلط و تنصاع مع التيار عشان توجد لنفسها حوار و فى نفس الوقت تعبت من السكوت و نفسها تسمع صوتها اللى جواها هيموت... و لكن هتعمل ايه هو قدر و لكنه و لله الحمد محمود... بالرغم من التعب من الوحدة و الشعور بإنك منبوذ...جميل انك تكون غريب طالما انك من رب العرش قريب و بتحاول تكون على الصراط المستقيم... ومسيرك فى وقت تجتمع بصحبة راسية تصبرك على دنيا أسية اصبحت لمبادئها ناسية ...و جمال غربتك انها توجدلك تحدى انك تأثر فى صحبة لمبادىء دينها بتعدى ...تحاول تجعلها من ربك قريبة تنسى الغيبة و النميمة و يصبح سكوتها ليها غنيمة مش سكوت رايح فى افكار ملهاش قيمة و ممكن توديها فى مصيبة... و تخيل كدة لونجحت و اثرت و فى دورك نحو دينك ما قصرت تبقى خدمتهم أكبر خدمة و سعيت بيهم لأجمل خاتمة... مهمة صعبة انا عارفة عايزة صبر و مش سهلة... مش سهل انك فى غيرك تأثر, بس خلى بالك احسن انت اللى تتأثر و يخدوك معاهم فى التيار و بدل ما تنقذهم تكمل معاهم المشوار حصن نفسك و استعن بالله هيحميك و من مرادك هيقربك ويدنيك ...
و يوم ما تلاقى دمعة وحدة فى عنيك ارسمها بسمة على شفتيك إن ربنا نجاك و خالك غريب فى زمن طوبى فيه لغرباء منهكين فى محاربة وباء اسمه"كبر دماغك و متحبكهاش.. ليه العقد يا عم ما تكشمهاش" بجد أقل ما يقال عنه انه وباء و عدم التعامل معاه هيكون أكبر غباء ..أبدا بنفسك و متستناش يمكن تكون اول حلقة فى سلسلة التغيرات يمكن فى يوم نرجع للزمن اللى فات اللى كانت فية الفضيلة مننا قريبة و قادرة تدفع عنا اى رذيلة ...مش هنيأس و كلنا هنبدأ مع بعض ...ايدى اهيه مستنيه اول ايد تمسك فيها و تدلها على اول فضيلة هنحاول نرجعها بعد ما بدات تصبح ذكرى جميلة...مستنياكم جميعا جهزوا نفسكم و يالله بينا هنستعين بالله و نبذل أقصى ما فينا عشان نحى مبادىء دينا و نفكر اللى ناسى فينا.....
هستسمح حضرتكم مع كل تعليق هتشرف بيه منكم يكون مصحوب بمبدىء او فضيلة كانت موجودة فى حياتنا و انتم شايفين انها قلت دلوقتى او اختفت يمكن لما نفكر بعض بيها تكون دى اول حاجة فى تضامنا اننا نحيها...
جزاكم الله خيرا على سعة صدوركم و مستنية ردودكم....

أقـــــــــــوى دايـــما علـى اللى فيــك و متخليش الأحزان تقتل فيــــك

يمكن تحس لحظة بألم و يمكن تحس لحظة بندم بس أوعى تسيب الأوهام تهدمك و لا الأحزان تقتلك ...عمر الألم ما هينتهى و عمر الندم ما هيختفى طول ما انت عايش فيه و مش قادر إنك تنهيه...يمكن يكون غصب عنك و يمكن يكون من كتر اللى انت حاسس بيه بس مفيش من ده كله فايدة غير الألم اللى بتجنيه ... سيب نفسك للأيام تبعد عنك الاحزان ساعدها انها تلهيك عن ألمك اللى ساكن فيك عمر ما كان الإستسلام حل و لا إنك تهرب من الأزمات فن... قاوم نفسك و متسيبهاش تطمس جواك الإحساس و الأمل فى بكرة يكون فيه الفرح أساس تبنى عليه اللى جى و تنسى بيه اللى فات و تخلص معاه التآوهات ...صفى قلبك و يلا بينا نقوم على الحزن بالعزيمة اللى فينا و متنساش ابدا إن رب العرش معاك منين ما تروح وياك اطلب قوته هيعينك هيشد أزرك و يديلك ...عارفة ان ممكن يكون صعب على و عليك بس لازم نحاول و ما نتهزمش طالما جاى بكرة يبقى أكيد فى يوم الحزن هيبقى ذكرى ..اصبر على ألمك و حارب فيه و على قد ما تقدر اتعلم منه قبل ما تنتصر عليه اكيد فى يوم الليل هيخلص و هتمحيه الشمس هتشرق فيه شمس العزيمة و الأمل شمس الإرادة و الجلد...
"أقوى دايما على اللى فيك و متخليش الأحزان تقتل فيك"..

استندت فى اسم مدونتى على الدمعة يقينا منى انه لولا الدموع ما عرفت البسمة طريقها الى الشفاة... و اختصيت من الدموع دموع الطبيعة لانى لم أجد أصدق من المطر رمزا يعبر عن النقاء.. لو تأملت الأرض بعد هطوله لن تجد سوى عروس جميلة فى أبهى صورها تنتظر فارس أحلامها فى فستان ابيض جميل يشع نورا من كثرة نقائه و كأنه نسج لها من كرات ثلج بيضاء و طرز بحبيبات المطرالمتلألئة لتعكس نور الشمس الجميل الذى يصرخ بمولد نجم أمل جديد يسطع فى سماء كل متألم جريح يدعوه الى الصبر و اليقين بأنه ليس هناك مستحيل و أن الألم قد يكون لك صديق قدير يخرج أحسن و أقوى ما فيك لتستقبل به إشراقة مستقبلك الجديد..
و لعل هذا يوضح هدفى من هذه المدونه و هو ان تصبح هذة الدمعة دفعة الى الأمام نقوى بها على ما مر بنا من الآم و تكون لنا نقاء نقوى به على ما تضمره لنا الأيام من أفراح أو مزيد من الجراح..
من منا لم تدمع عيناه حزنا إثر ألم كبير او حزن عتيد...
من منا لم تدمع عيناه ندما للإنسياق فى تيار شديد لم يجلب سوى ألم دفين..
من منا لم تدمع عيناه حسرة على مبادىء تناستها الأيام و أصبح مصيرها الغيابات...
من منا لم تدمع عيناه فرحا و رضا بما قسمته له الأيام بعد مرارة السنين ..
من منا لم تدمع عيناه رحمة لخير رأه أو نصر لدين الله أبكاه ....
كل هذه الدمعات ستكون مضمون موضوعاتى نتأملها سويا و نحللها بعين الروية.. فنجعل دمعة الحزن تنقينا و دمعة الندم تعلمنا و دمعة الحسرة توعينا و دمعة الفرح تواسينا ...ففى الحياة الكثير و الكثير من المواقف منها ما مر علينا ومنها ما سيمر بنا و لعل هذه المدونة ستكون باب خبرتى على الحياة سأطرقه من خلال ارائكم و تعليقاتكم آملة ان اكون سبب نفع لكــم و بالتأكيــد ستكونوا سبب نفع لى بل و أصحاب فضل كبير على...

وأرجو من الله عز و جل فى علاه ان يجعل كل ما يسطر فى هذه المدونه موجه لوجهه الكريم و ليس للناس منه فيه شىء......