نفســى يا بلــدى..!!

نفســى احلم من غيــر ما ضميــرى يأنبنــى ..
نفســى احلم من غيــر ما أحــس بدم أخويا خانقنـــى..
نفســى أحلم بمستقبــل لبلــدى يبهـــرنــى..
من غيــر ملاقـى فلــول الفســاد بتــراوغنـــى..
نفســـى و نفســـى و نفســـى...!!
بس أه من اللى جــوايا و مش بيفــارقنى..
ألم و حســرة و خــوف دايمـا بيسـابقنــى..
امتــى با بــلادى حلمــى هيقــابلنــى..
ادينــى معــاد قبــل ما فضــولى يقتلنى..
صبــرت كتيــر بس الصبر خلاص كـارهنــى..
اعلن عصيــانه على و من ظله طاردنــى...
قوليلى اروح على فيـــن و ميــن غيرك ينجدنـــى..؟!!
مليـــش غيــر ترابك هعيش عليه و لما امــوت هيحاوطنــى..
و لــو قلــت ابعــد عنــك همــك على كتــافى مألمنـــى..
ربنـــا يحميكــى و يحفظــك و بنصـــرك ينصــرنى..

نجيــ فاطمةـــب

يسقــط يسقــط حكم العسكــر..

على فين يا مصر واخدة ولادك..
على موت على ايدين اوغادك..
ياللى وخداك السلطة و شهوتها..
و مفكر ان الدنيا مش هتجيب اخرتها..
العمر قصير و مسيرك تقابل وجه كريم..
هترد ازاى و تقول انت قتلت مين..؟!
قتلت واحد اتنين لا دول ملايين..
دمهم فى رقبتك و معاهم قلوب مقهورين..
فكرت فى اهل واحد فيهم..؟!
فكرت ازاى هتعدى لياليهم..؟!
و لا ماهو عشان ابنك مش فيهم..
خلاص و لا يهمك و تدوس عليهم ..
خلى بالك الدنيا دى سلف و دين..
ولو مش همك اخرة خاف يتردلك الصاع صاعين..
ولا انت خلاص ضميرك مات..
لا بتخاف من دنيا و لا اخرة و لا بتعرف غير السكات..
تسكت عن حق ضايع .. و عن دم رايح .. و لا يملى عينك غير الفتات..
اه يا بلادى يا حزينة..
ابنك بيداس فيكى و لا ليه قيمة..
هتخدى حقه امتى و تمسحى دموعه..
و لا مبارك هيفضل عليكى راكب هو وفلوله..؟!
فى ايدينا ايه نعمله و معملنهوش..
صرخنا بعزم ما فينا و سمعناه اللى مسمعهوش..
قلنا لا لمبــارك و لظلمه.. و العسكر متعظوش..
و دمنا ســايل على ارضك شمال و يمين مشربتهوش..
اخــرتها ايه يا بلادى..؟!!
امــل جــديد و نهــار سعيــد..؟؟
و لا هنفــديكى بردو بروحنــا و يروح شعبــك شهــيد..
و اخر كلامى يا بلادى..
هعلى الصوت من تانى..
و هصرخ و هقـــــــــــــــــــــول
يسقط يسقط حكم العسكــــر..
يسقط يسقط حكم العسكــــر..
نجيـــ فاطمةــب